【七大freelancer 法則 】- Rule#3 時間管理

全職投入成為自由工作者同創業冇咩分別，我認為freelancer就係成為小企業前的一個階段，好多人都係一人公司開始（係度建議freelancer去開返間無限公司接job, 如有問題可入group問，慢慢做大，一樣都係為自己建立品牌，令到自己既價值更高，好多野都係自己親力親為，亦因如此，變成無人看管狀態，我地首先要面對既戰爭就係人既惰性，自己既時間管理變得非常重要，管理得唔好，嚴重影響效率。

而時間管理亦係定價既因素之一，freelancer要計算清楚服務定價可唔可以帶黎最基本既生活費比自己先，你一個月可以接到幾多項目，同完成幾多項目，你需要好好用自己時間打量一下，我見過有D人話得話得，最後都係交唔到貨，嚴重影響自由工作者聲譽。就算最壞既情況真係交唔到，合約其間都應該多主動匯報進度比客戶，等客戶合道你真係做緊野，同埋佢都有預算另外D野點同你進行緊既項目配合，最主要主動匯報會令客戶對你有絕佳既印象。

另外Rule# 1也提到唔好做爛市，對自己及行業風氣都唔健康，聘請freelancer已令客戶節省左好多成本，佢地只為每單項目而付款，唔需要比一個恆常既價錢同福利去養人，因為有時有D 項目又未至於需要請一個全職，所以只需尋找freelancer就得，所以佢地會願意付出比全職較高既時薪去請freelancer（佢公司本身出唔起錢另計），但係定價也要合乎常理，同時間要想想你呢個價錢可以為客戶帶黎咩野既價值。

當然每個人都有每個人既一套，有 Ｄ人會覺得「我係值呢D價，你做就做唔做就唔做」; 又或者「我只係提供我既服務，我既服務定價係咁，你賺錢或者無效果我無必要幫你諗」，呢兩種想法都無錯，因為freelancer就係個性化，你想點話事就點，我唔需要「今時今日既服務態度」如何如何，每個freelancer都有自己既個性、技能、行為…等等，百花齊放，呢D先係真係既freelancer可愛之處。