回應網友提問：大升職在前，但我勝任嗎？

有網友即將大升職，但心裏有一些疑惑，邀請我分享見解。就讓我借此機會，分享一些想法

 

網友的情況：

我想探討一下，究竟職位（title）真正係代表啲乜嘢？

 

我今年三十歲生日都未過，嚟緊即將要一間跨國企業升職上「總監」(Director) 嘅位置，管理一個部門 。如果係兩三年前嘅我，會有啲自豪自己竟然可以喺呢個年齡有咁嘅成就 。

 

但係，升職announcement 將至，我不禁自問究竟呢一個職位代表着啲乜嘢？過程後，我覺得呢次升職未必係一件好事 。

 

網友的疑問

– 每間公司嘅架構都唔一樣，所謂呢個總監嘅位置都係一個虛名嚟。因為現任公司規模冇其他競爭者嘅規模咁大，實際上呢個所謂總監位置要做嘅嘢同其他大公司相比，由管理到執行都係得幾丁友做晒 。

 

– 一個工作經驗都未夠10年嘅「小朋友」憑咩上到呢個位？有好多人嘅工作經驗有十幾20年，可能都未必有機會上到呢個位置。

 

– 作為工作經驗比較多嘅下屬，我點解要服從你呢個所謂嘅總監？

 

– 如果公司真係要喺外面請一個總監，公司需要投放嘅資源可能會更高。始終一個有經驗嘅總監薪水一定會比內部升遷貴 。所以無形中我係咪一個廉價勞工以一個比Market Rate便宜嘅薪水而去背負更多嘅責任？

 

我可以自問自己係一個勤力嘅人，可能有啲小聰明，所以幫到公司解決咗好多唔同嘅難題 。但係工作年資短呢樣嘢我冇得收埋 。我亦都會覺得係我嘅短處之一。

 

我即將要準備呢個大升職 。到時我會面對經驗比我更加多嘅同輩或下屬 。點樣得到佢哋嘅尊重？我又點樣可以唔會自己睇低自己而去維持工作上嘅動力？

 

社會上究竟有冇一個既定嘅資歷與職位嘅對比？ Benchmark?

 

半宅職薯的想法

其實很多人成功的人都有一種「冒名頂替症候群」。簡單來說，就是覺得成功並非因為他的能力，卻只是天時地利人和加運氣，於是擔心有一日自己會被識破其實自己是騙子（但自己並不真的是騙子）

 

虛則實之，實則虛之。Title 在今時今日更似一個招牌，不單單是對同事的認同，更是公司希望你對外時，能夠和其他公司的相應職級人員「接口」，是一種工作需要。

 

人數少，但可以爆發力強

給你一些參考資訊：

香港中小企的定義，製造業公司指聘用少於100名員工，非製造業公司指聘用少於50名員工

 

WhatsApp 公司在2014年，全公司只得約50名員工

 

所以人數多寡，相當視乎工作性質，也視乎團隊成員質素。一間中學的總領袖生帶幾十位領袖生，難道他的能力又會比帶領五人研究團隊的教授高？

 

關於如何服眾

上司的經驗永遠比下屬豐富，因為上司可以要求下屬清清楚楚地把他們多年的經驗精華告訴他。所以下屬的經驗都是上司的經驗，而上司又可以有很多下屬，所以上司經驗必然豐富。

 

而你作為上司，關鍵能力包括提出方向、判斷和作決定。工作性質和下屬有明顯分別，所以不需要和下屬比較經驗，卻應想辦法發揮他們的潛能。就此，讚美和認同是很有用的方法。

 

五懵一精領導法

你不能每一件事都比下屬做得好，令他們臣服於你。但你可以每五件事便有一件事做得非常好。下屬永遠不知道你那一件事懵，那一件事精明，所以唯有乖乖地服從。

 

這領導方法博大精深，他日你可以煉成十懵一精，甚至廿懵一精，以騰出更多精力於分析和決策。當有需要時，你要有精力把事情鑽得很深；無需要時，便讓下屬流水作業工作。

 

你是否廉價勞工？

你工作的市價，並不是公司向外招聘所開出的價，而是你離開這間公司後能夠找到類似工作的最高薪酬。就此，你的 benchmark，應該是你自己本身。

 

最後，我想說：如果你相信你公司高層有眼光的話，你便要相信自己確實在客觀上有能力；要是你認為公司高層都是無能和無眼光，你更要借此升職機會，充分了解他們，掌握他們，超越他們。