【經驗分享】空姐間相處學問

做呢行同事次次都唔同，再遇上機會真係好細。呢樣野有好有唔好啦。如果唔夾，唔洗再見。初初頭幾個月俾3個呀姐呀哥恰過，嘻，唔洗再見到佢地。 不過唔係因為佢地，我又點會成長呢。

夾既，又好難再一齊番工。對我黎講，呢行識既人都係hi bye friend多。落機就88。做到朋友既，都係training時候識。所以都幾寂莫架。我寂寞、我空虛、我冷。

對於同事，我自己岩傾就傾，唔岩傾係咁易一兩句就止，之後就無謂刻意扮岩傾。做自己算。基本上對於機上是非呀，聽多過講。放工之後就完。

同事之間話題黎黎去就係有咩好食有咩好玩，講下同機人是非，講下仔女，講下男朋友老公，講下興趣，講下公司幾「好」，講下航班邊班幾好/幾難頂，講下客人 ...

最緊要有禮貌，be humble。你態度好，就算做錯野人地都接受。作為oybb ，番工上我都幾授教，你提我錯咩我下次先識點做。有時有新過我既oybb ，有d位我知道應該點做我都會提一提，佢問我既，我實答，但因為我都係新，有d位都係等呀姐呀哥提較好。