電影觀後感-簡單講幾句之《花路阿朱媽》

簡單講幾句之《#花路阿朱媽》

以前帶團時候，我成日都會見到好多唔同嘅人，印象最深嘅其中一團，係一次去北京同內蒙嘅九日團，嗰一團裡邊有五個都係獨自出發嘅中年、甚至老年人。喺同佢地相處過後，佢地都異口同聲講出左一個共同點: 就算有家人都好，但佢地都好想試下自己一個人去旅行嘅感覺。

而我就係喺林美華呢個角色身上，見到呢幾個舊客嘅影子。

人大左之後，其實都不免會為左人地、或者為左外面嘅世界而活，久而久之，我地嘅靈魂就好似冇左一樣;林美華(洪慧芳)雖然同仔仔因年紀關係而越漸走遠，但仍然一直做好媽媽嘅角色，也想透過一次旅行增進關係; 吳正洙(鄭東煥)已屆花甲之年，意外地被導遊遺落嘅美華闖入獨居空間;權宇(姜亨碩)為家人努力工作還債，但偏偏喺團中遺下美華。導演何書銘藉著呢三個都係為別人而活角色，刻劃出每個人都失去左自己靈魂嘅心態，借助呢次烏龍旅程，三人相互支撐扶持，重新喺自己嘅人生路上起步，找回久未看清嘅自己，篇幅寫來溫暖人心。

而主線就在於美華同阿仔之間嘅關係，創作人好巧妙咁透過戲中呂珍九主演劇集嘅尋找母親劇情，對照美華同兒子越走越遠嘅距離作出襯托，一方面將女性對韓劇嘅迷戀融入母子之情當中，另一方面亦帶出韓流文化嘅影響同軟實力，部份情節相信唔少觀眾會從自己家人對韓劇嘅入迷程度而搵到共鳴。

《花路阿朱媽》屬於一部小品輕喜劇，情節窩心幽默之餘，不忘提點我地，唔好忘記自己，只有對自己好，人生先會快樂。

《花路阿朱媽》今日上映

產地: 新加坡、韓國
片長: 90分鐘
推薦度: 8/10

編劇: #何書銘 #王欣茹
導演: 何書銘