體驗工作之當一天爆肝設計師

斜槓族：高比重的技能中設計應該能選上首位吧！

不才的我，畫火柴人都算出眾，但靠住係甘易上過下啲ai ps啲課程都識將啲野拉黎拉去，改下圖，退下背啲基本野既...

機緣巧合下，朋友既老闆想搵個人去設計張宣傳單張...
睇左朋友send黎既資訊大綱，感覺上係可以俾我一展所長，又有得設計下，本住收翻“車馬費“就算，當有練下手既機會就接左呢個人生第一單設計工作黎做啦，無諗到，呢個體驗就令我可以感覺甘無力感up  up....

第一天：
得到手繪的大綱，公司是買賣收購高級碗錶，寶石等的，老闆的要求大概有幾樣
1.一頁中文一頁英文公司資料 
2.第二頁要保留位置貼郵票地址
2.想用Tiffany Blue漸變色背景
3.大概俾左8張圖(無退背的網上圖)
4.希望啲圖全部出現係宣傳單張

收到信息的當下：(黑人問號樣)
有反映翻我既小小意見，
如果用甘多唔同種類既產品係同一面會好亂好花，
另外實體相會有啲唔夾個Tiffany blue背景，可能會無甘高級感....bububu啦...
然後無一張圖係png檔
甘都係本住練手既心態做啦，甘整完啦
send第一次

實際做左：
1.Tiffany blue背景漸變色，大概一半Tiffany blue 
2.顏色上較淺左少少，令隻色襯落無甘突厥
3.加上自己諗到既鐘錶齒輪設計係背景，都係透明度高少少既做襯托
另一邊就用鑽石切割片設計做背景
4.將圖退背加上
5.將產品分兩頁分配，一頁鐘錶，一頁寶石+介子
6.字型兩邊中英文有特別挑選

第一次得到回覆：
老闆：啲字體呢，，我鐘意統一啲...
個Tiffany blue可以多啲，白色少啲
兩邊可以一樣
希望放曬全部圖係一頁，然後兩邊都係甘
，個背景齒輪設計幾好可以發揚光大，兩邊背景一樣，保留地址個位可以留多啲

呢個時候，我內心既os又出現...一開始明明唔係叫我自由諗擺位靚就ok？白色少啲即係少幾多？地址位我一早問要幾大尺寸又遲遲無回覆...即係寶石個頁背景我一開始就唔應該搞？重點就係：點解一開始唔講清楚你心目中既諗法要人做一輪先講其實點點點？

最後就緊係：好好好，我改完俾你再睇下啦～

第二日重新send多次：
啲字可以細啲
個背景鐘錶齒輪可以實色啲
啲錶可以放上啲
擺位你睇下用你觀感擺得好啲
我想要埋好多鑽石張相(繼續係無退背既大概係有大有細十幾粒鑽石相)
老闆就覆多句：啊，呢張相會唔會退背太煩啊？一係放白色最邊邊，甘咪可以唔洗退背囉～

甘我已經放棄爭扎，繼續：啊好好好，請問仲有無咩要求？

如是者改改改完，佢都係覺得唔夠多Tiffany blue(張十幾粒鑽石既白背圖大概佔四份一位置，而老闆係非常想全部鑽石都出到場)

然後佢唔知那門子得到一個靈感：啊甘我唔要呢個背景啦
就send張好花既現成相俾我(但張宣傳單張已經有成十樣八樣產品相係到)
下，，但係甘會好花嫁喎我要提提你先

另外佢有個喜好就係背景係鐘意好實色...

好啦甘我再send俾你啦

到而家我都仲未完成到呢一單亦唔知會唔會頂唔住完成唔到既“設計job“...
人工就未到手，但我都得到個好深刻既工作體驗，我終於都明白點解好多設計師都甘厭世，成日都好攰甘，因為付出既除左係技術，仲有情商同會打擊既“心靈力“
唔知各位斜槓們又鐘唔鐘意呢啲新體驗呢？