營銷策略 之 搶 食 世 界

政府準備推出 「$5000 消費券」，各路英雄正在磨拳擦掌，準備各出奇謀，大殺3方，務求把這件「肥肉」吃到口！

優惠券啦，消費幾多錢又有野送啦⋯⋯等等。

香香酒樓就開會，有乜奇謀妙計，把市民的「消費錢」先拿到手呢？

「我有妙計把下半年的生意額提升3倍！」何經理話。

「咁 叻仔？而家我哋晚晚做半價、一蚊雞都係反應麻麻。」老細説。

「一如既往的今次優惠券推出買$1000 送$500，祗限晚飯用，仲要年底前用哂，冇得退換。」何經理。

「咁會唔會太大手筆？送成一半，仲可以用到50張，不需先花現金？

咁唔得！豈不是我們白做？」李部長

「對！起碼都要佢消費超過$300 才可使用一張。還有…..」其他經理七咀八舌….

忽然間 老闆拍枱：「Shut up !」

「平時叫你哋唸計點様增加生意額，就話疫情乜疫情物。次次都係一蚊🐔，我地隻股票幾年夠係一蚊🐔，升極都升唔郁。

而家有個新提議就話要設門檻，越拉越高，咁就以為賺多啲錢！

你估客人儍𠺢？

全香港唔係得你一間酒樓？

香港人係最精明既消費者，你搞咁多花臣，人家就索性唔買，咁你地自己食哂去啦！」

當堂你眼望我眼，鴉雀無聲。

「我地要大刀闊斧，不設門檻。買$1000 送$500，等佢地連唸都唔駛唸！

到時加碟花生, 酸菜、茶芥 ，加一，每次加啲，加加埋埋就乜仇都報哂啦！重駛搞一蚊🐔？何況埋單冇理由會係齊頭數，更唔會話蝕底俾酒樓，咁無形中又消費多咗！」老闆話。

「好啦、夠啦，老闆。不如我哋唸埋電子卷添啦！」何經理。

「ok 各就各位！準備出擊！」老闆。

8月1日推出第一天，買卷的人排隊排到開巷，果然駛得！

星星酒樓亦急不及待推出$2988 全包宴，送埋啤酒汽水，以為市民領咗$2000，應該會好疏爽啦，誰不知已經俾人家「飲咗頭湯」。

買咗卷嘅客人己急不及待等book 位，祗求年底前「消滅」哂佢，半卷不留。

星星酒樓的老闆立即召開緊急會議，有乜反計搶攻呢？

有人話：不如半價優惠、一蚊一隻燒鵝、免茶、送义燒飯等等。

「哎喲！有冇啲實際嘅橋，咁搞法我送埋間酒樓都未天光啦，散會！」星星老闆被氣到想爆炸。

「以其人之道 還治其人之身。」在旁邊拾枱的清潔工自言自語道。

「阿叔你講乜？」星星老闆問。

「啊，大可以出告示：

由今天至本年12月31日前用八達通付款食$500 送$100 「現金卷 」由明年一月一日開始使用至農曆新年為止，亦是祗限晚飯宵夜，不設門檻，每次最多用5張。「現金卷」數量有限，送完即止。

咁係咪唔使要人買卷，又立即搶番好多生意咩，仲保証農曆年前有一定的生意額添。」阿叔話。

「啊喲，又不妨試吓，好過等運到，阿叔你叫乜嘢名？食咗飯未呀……..」