一個男仔去首爾,得唔得㗎？  首爾之旅 2019-03-10/11

黎到第三日,繼續我既行程.一直以黎,我都麻麻地食韓國菜,雖然黎首爾,但好多地方食野都唔太啱我,不過,如果你想試下傳統韓國美食,黎呢個「廣藏市場」就最好不過.呢度係一個美食廣場,有好多檔賣小食既鋪頭,而且有得坐喺度食.今日係禮拜日,非常多,除咗遊客,本地人都好鐘意幫襯

 

黎廣藏市場,可以搭地鐵,鐘路五街站8號出口就到.市場既食物選擇,例如：綠豆煎餅,韓式餃子,粉絲.不過好多鋪頭賣既野係類似既.小食檔既店主,大多數都係「阿豬媽」,佢哋會用有限既英文同遊客溝通,而且笑容滿面,非常熱情.不過,我就冇喺度食野,純粹黎行下,感受市場氣氛.

去完廣藏市場,就去食午餐.喺香港,有間過江龍既 burger店 Shake Shack,我好鐘意,首爾都有分店,咁啱有間分店喺東大門,而且陣間都去東大門參觀.黎到Shake Shack,呢度有分室內同室外座位,空間唔錯.今次都係嗌我最鐘意食嘅Smokeshack burger,味道同香港食既一樣.食完就去下個景點參觀

講起東大門,其中一座建築物非常特別,外型獨特,就係「東大門設計廣場」DDP,呢座建築物係無柱狀建築,係呢度,係搵唔到支柱.廣場面積非常大,而且有啲位置,影相一流.DDP平時會有展覽,音樂會等,夜晚黎,更會有LED花海.

參觀完DDP後,就行吓東大門商圈.呢度主要係服裝找發,所以有啲商場,幾層高,全部都係賣服裝既店舖.Lotte Fitin , Doota就係其中兩個熱門既批發商場.商場幾好行,有唔同鐘類既衫賣,除咗韓風外,一啲外國品牌都有.不過呢度既價錢不一,有時間可以先比較價錢,後決定買.

行完東大門,先翻酒店休息,夜晚再出發.首爾最集中,最多遊客既地區,一定係明洞,呢度有好多護膚品專門店,服裝店,精品店等,另外,夜晚既明洞大街,會有好多小販同小食檔,可以盡情掃街.呢度既小食價錢偏貴,不過嚟得呢度都唔會理,小食既種類好多,例如：芝士年糕,煎餃子,紫菜包飯.樣樣野食都吸引,除咗韓式野食,仲有西式小食,迎合唔同人既口味.星期日晚既明洞超多人,氣氛非常熱鬧.

行完明洞就翻酒店休息,預備執行李,聽日夜晚翻香港.黎到Last Day,夜晚八點先坐飛機坐飛機,趁仲有半日時間,可以行其他地方.朝早係酒店食完早餐後,準時十二點check out,放低行李後就開始最後一日行程.係弘大坐地鐵2號線,到建大入口站,6號出口一出,向前行兩三分鐘,就會見到一排藍色既建築物,好似貨櫃咁既擺設.呢度就係「建大貨櫃屋」Common Ground,呢個係韓國第一個貨櫃市場,用貨櫃既設計,改成商場,cafe,餐廳,而且係一個打卡熱點.

行完貨櫃場,就翻弘大商圈行街,大約四點幾,就翻酒店攞行李,出發去機場.準備翻香港,結束今次既首爾之旅.

今次黎首爾,令我好驚喜,估唔到呢個地方,令我感有興趣,令我想有去多次既衝動.翻到香港就準備入國泰做野,到時睇下有邊啲地方有興趣,就出走一下.