【不是定律】平、靚、快的迷思

最近搵人幫屋企做裝修，體會到一個「不是定律」：平、靚、快，三者係不會同時存在。

要平，又要好，就要等；
要平，又要快，就唔會好靚 ；
要好，又要快，收費就自然貴...

自己都有接Job 幫人做網站，作為服務出售者，當然明白世上無平靚正呢回事。

只係今次換轉左自己作為服務購買者，竟然差D忘記左呢個定律，妄想到搵到「平靚正快」既裝修公司，結果當然一係就搵唔到，一係就中大伏。

好彩，我最後都搵到一個靠得著、手工好、收費唔貴既裝修師博，當然，佢多Jobs 到接唔哂，有時回覆慢要俾耐性等下，但我覺得好合理，因為呢個好符合「不是定律」。

由此帶出，作為Freelancer 服務提供者，我地要清楚自己既定位。

想係做平價既WordPress 罐頭Theme 網站，
定係做高質Tailor-made 度身訂造設計功能既網站？
收費可以差好遠，但小米定係Apple，各有喜愛。

視乎返Client 重視既係價錢定係質量，搵返合適既Client，俾返佢想要既野佢，唔好俾客戶有不合理的期望，Client 的期望與成品沒有落差，就自然皆大歡喜。