瀧澤秀明原來你結婚了？

係旺中轉個彎再到水渠街又逛到最終點聯合廣場。

當時大大小小人來人旺的購物點都係播著twins的歌曲，得閒逛下信和，總有四樓有四仔既叔叔係到大叫，我地小女孩都總會偷看係入面買碟的男生到底是有幾宅，心裡毛毛叫一句：正變態！

 

最令我心花怒放的一定是逛旺中，還記得那年夏天twins《愛情當入樽》正是上榜歌，hit到頂爆整個夏日，我們在旺中邊聽邊選果條係褲不似褲，裙又不似裙的下身衣著，今日回望當年當寶既下身衣著，我會說一句：“my god!好肉酸”

 

水渠道有一個挺為標記既現象，可以話係當年水渠道的文化之一，全條水渠道的商店，總有一位哥哥或姊姊，企係椅子上大叫：今日做到9折9折，連身格仔裙有白色，紅色••••••我回想這個速銷對我地班妹妹仔，又幾有效喎，我真係覺得好似買平左好似買得開心左，熱熱鬧閙你又搶我又搶，搶到上手就好似執到寶咁。妹妹仔嘛，就係咁易呃架啦！今日回想返真係原來搵人做媒，真係可以促進經濟。當買野變左搶野原來個商品真係令自己覺得著數左。

 

一到聯合當然要朝聖啦，呢個節目一定係充滿心跳，因為我又要用當時略略足夠既金錢同我個男神見面呀（ff成份100%）就係屬於我既瀧澤秀明，當時既聯合係好多間專賣明星附商品，poster 杯相••••••總之只要咩有咩，其實到尾有佢個樣既產品就夠，一起身就對住，食野又對住，訓覺都對住。

但係我尚算正常，我只係唔太大膽咁幻想同瀧澤秀明一齊坐係張白色既四方枱到食盤士多啤梨，至於點解係士多啤梨，我自己都唔知。回想返原來活係幻想中既男神先係最完美，最好一世都同一個未接觸過既人腦海拍拖，呢個先係一個最美既戀愛模式。

 

當中仲有跌跌撞撞既回憶，記得當年有一個年輕時兩脇插刀既“死黨”（只屬未成熟時自己一廂情願既假象）那一晚我失戀啦，佢同講：天下烏鴉一樣黑，個個男人都一樣架啦！

我當下望一望個天空就係果秒覺得我呢世都唔會再拍拖，第二，一係試下搵個女仔拍拖囉。

好在我無聽佢講，原來一句童言對住一個小朋友講到疑幻似真，個小朋友真係會好驚，少年16 ，15時就係對於一點似道理又未經歷過既野，就當係永遠既人生觀。現在回想真係笑料一單。

 

你以為佢係你既永遠，我今日會問永遠係有幾耐呀，永遠係邊個可以講，根本自己都唔知心目中既永遠到底有幾永遠。我而家只係當永遠呢個字係一個副詞。

隨左結婚果日老公同我講一句愛你直到永遠。閑日唔該都唔好講啦。

 

從年少時，我們以為自己己經正在經歷我們人生中的定格，打後人生應該都是這樣的三觀，原來當踏出社會你會發現當回頭一看都是喜劇。

過程當中有哭過有笑過有罵過也有累過，你以為你為了那個他經歷了無數個夜晚的難眠，會考的分數不似如期，你以為這些已使你陷入深淵。

但是，我可以好好好肯定同年輕的你們說：那在人生中不算是甚麼挑戰！

沒有人也沒有甚麼成績表可以影響你人生打後的努力，見識，見解，人脈，你的明天就是在明天。如若你有領悟力，你所有的經歷才是你的寶藏。

沒有不可失去的他，沒有不可不交的朋友，沒有不可自我創立的機會，其實你看到甚麼，愛上甚麼，思考甚麼，你就是甚麼。

還有一點：到了姊姊這個年紀勸年輕人一句，學業是要努力，但是青春也需要去經歷。

到了我這個年紀大家談的話題都帶有負擔。

結婚，生子，工作，升職，父母年邁，買樓，投資，養生。你看！很悶嗎？

到了這個年紀我也還慶幸我沒有錯過人生最快樂的時期，現在叫我看明星不要說是追星那麼誇張，我都沒有力氣也沒有這樣的心思。

在這很感謝各位好友，曾經是好友也好，奚奚，珍妮，阿深，糖糖，阿芬，阿奶，ida，高佬。仲有最重要就是瀧澤秀明。