職場防疫 ，防疫職場

社會運動未解決之際，出現了2019冠狀病毒，對所有人影響更加大，當中對於有部份打工仔由農歷新年開始已經WFH (Work From Home)同瘋狂搵口罩延伸到宜家已經發生中被清假，放無薪假，遣散同裁員情況。除非政府繼續推出保就業，如果唔係相信今年年尾到下年頭就會知道真實勞動市場情況。

本身要繼續返工嘅打工仔最擔心當然係感染肺炎，但宜家更加擔心自己會唔會係其一個被裁員名單之內，尤其每一日返工知道公司無咩生意又見到管理層不斷開會要大家諗多啲方法，同事之間會慢慢感受到公司下一步會想做啲咩。

其實職場防疫唔只保障員工身心健康，同時防疫被出賣，好多所謂因素決定邊個員工可以留低或者離開，喺宜家嘅環境人性真偽會表露無違，變相自保而去挑選本身唔太討好或者有競爭力員工，當然決定權喺管理層身上，而點去選擇個名單好大路去考慮包括過往工作表現，薪金水平，家庭狀況，同事關係，或者最直接就係部門仲有無價值運作落去。

唔驚訝裁員潮會繼續出現包括更多公司倒閉，租金係一個好嚴重嘅成本問題，但從來因為香港喺自由市場定律，無人會解決依個根本問題，導致大大小小企業喺疫情爆發後要進行一大輪嘅重整政策，或者馬後炮講法之前賺咁多，宜家大半年就出現危機，可以想像到企業營運資本有幾健全（或者啲錢去晒邊到？）

姑勿論自己會唔會遇到被裁，作為打工仔要時常好好裝備自己，尤其要管理好自己心態，從來無人會知道下一秒發生咩事，唔會所有事都會順應自己諗法而行，追求安穩都要好好懂得迎接轉變。

最後都想講一句公道說話，無生意無錢賺，出唔到糧，交唔到租，所以最後一步決定遣散同裁員，只要跟足法例去補償就可以，期望打工仔都要理解依一點。

職場不只防疫，同時不斷裝備。