雷克雅維克極限挑戰一日遊
92_traveller。玖貳遊記
2020年7月22日
大多數旅客都會以冰島的首都 - 雷克雅維克
作為冰島旅行的落腳點
今次決定為大家介紹雷克雅維克一日遊
雖然冬天在冰島凍到真係好唔想出門
平均氣溫-3度 加上四面環海好大風
每次行5分鍾 就想返酒店
但係旅行就係要體驗極限
所以GOGOGO!
首先我住既地方叫Rey Apartment
地下是大堂check-in area
1/F, 2/F 係酒店房
3/F 則係酒店主人既屋企
抱歉 進來前忘記拍照
反正左邊就是開放式廚房 右邊就是睡床XD
非常整齊 酒店主人亦都好好~
預先email問左大概到達時間
由機場搭巴士到酒店亦都方便 所以都推薦:)
收拾好行裝就準備出發
景點基本上都係圍著我間酒店的
首先向海既方向去第一個景點 – 太陽航海者
據說係當年維京人發現冰島時 係呢個位置上岸
之後就沿著海邊行 直望已經見到Harpa音樂廳
佢既設計係源自於冰島的自然景觀玄武岩
而玻璃外牆 聽講日落時份望住陽光反射既景色會更加靚
去完Harpa就搭shuttle去珍珠樓
因為Perlan珍珠樓非常推介，所以希望遲下另寫一篇:)
Shuttle大約30分鐘班
我好記得我行完展覽剛剛好走左一班Shuttle
要等成25分鐘既我
決定行路落山去下一個景點
順便探索一下冰島
同埋行下路可能會暖d架嘛!
慢慢行就黎到哈爾格林姆教堂 Hallgrimskirkja
哈爾格林姆教堂係冰島最大的教堂
係Perlan觀景台亦唔難發現佢既蹤影
教堂更可以登塔 一覽冰島既風景
不過既然係Perlan望左
再加上今日天氣好差既關係 我就無決定上啦
不過如果天氣好 都建議大家可以上去望下
近距離感受冰島的市區
另外 不得不提在教堂前方的雕像 – Leifur Eiriksson
據說他是比哥倫布早500年發現美洲
不過無登陸
而他亦係維京時期偉大的探險家!
市區鐵腳遊最後一站就係托寧湖
湖面凍到都結左冰
只剩下天鵝、野鴨等活動的地方
冰島的凍絕對唔係一般香港既凍
亦唔係日本韓國的乾凍~
佢既凍係真係好凍既凍
冬天的冰島同我影既照片一樣
空虛 寧靜 有種說不出的寂寞
但係當你每日都沉浸在大城市既繁華 熱鬧中
心中既空虛可能比冰島更冷.........
.
.
.
更多旅遊相片及資訊, 可到:
IG: http://www.instagram.com/92_traveller
Website: www.92travellerblog.com