工作邱比特（九）：趁年輕便試一下吧

小編讀書時期便很喜歡番Part time，因為有收入便能夠做自己喜歡的事，去旅行、食飯、shopping(當然不是瘋狂)，也不用再向父母拿零用錢，於是跟著其他同學東找西找，說起近排熱門的10份工作challenge，我都可以填滿滿的，哈哈。
因此，這篇文章不如講講現時年輕人(大專生)最常做的8份工作吧，你嘗試了嗎？

1. Freelance
自由度較大，job接job，做文章編輯、相片修圖、攝影、畫畫等。

2. Key Opinion Leader (KOL)
人靚通常都會做模特影靚相，放上Instagram (IG) 吸讚；有故事分享通常都會拍片，放上YouTube等人訂閱(Subscribe)；唔想露面亦都可以做food blogger寫食評分享。通通靠人氣維生。

3. 補習老師/興趣班導師
自問自己有學識，有一技之長，又可以教人，不妨當一個老師，嘗試桃李滿門的感覺，收入也不錯，$100以上1小時呢!

4. 神秘顧客
如果談及神秘，呢份工作應該會引起你的好奇心，究竟怎樣才可以測試一間店的質素呢？可以在這工作找找。

5. 大學電話訪問員
俗稱「民調」，中大、浸大都常見會招收同學幫忙的，所以平時接到的民調電話未必呃人。

6. 兼職店務員/侍應(炒散)
應該是最常見的工作吧？！無論家庭主婦，還是學生，都會有大量需求。如果唔求人工高，想識吓朋友，面對客人練吓執生溝通技巧，都可以一試。

7. 短期展覽工作人員
又係需要大量人手，最大型就係一年一度嘅書展、美食展...

8. 港鐵月台職員/兼職政府工
(唔講政治立場)人所皆知，港鐵職員有免費車票，至於政府工，傳統嚟睇，穩打穩扎。

希望各位趁年輕唔好太hea，既珍惜讀書的自由，又嘗試新事物 (因為真正踏入社會時，就會想念讀書時光)，共勉之。
[戴翻頭盔] 以上純屬個人意見，僅供參考。