留點時間給...你的情緒

香港人

乜嘢都要快

食飯要快

返工要快

講嘢要快

行路仲快

 

時間好似點樣都唔夠用

24個鐘眨眼就過

還未消化完一天嘅活動

第二天又重新開始過

 

日復日月復月

有冇發現你嘅生活重重複複

開心嘅事繼續開心

唔開心嘅事就繼續唔開心

 

上個月同今個月

除咗銀行戶口數字唔同咗之外

好似搵唔到其他分別

 

我哋知道書枱要整理

房間要整理

公司嘅枱面更加要整理

要不然老細就會黎「整理」你

 

但每一天所受嘅壓力

同無意中接收左嘅壞情緒

我哋又有冇比空間自己去整理呢？

 

定還是你知道要整理

但用了其他一發不可收拾的方法

例如煙酒，電玩，甚至性沉溺

 

香港越來越多人有抑鬱症，各種情緒病

一個疑似有暴躁症既老闆

就好似便利店一樣

總有一個喺附近

 

公司同家庭嘅文化教我地要忍

告訴自己「受氣人工包」

看一齣韓劇就會好了

或者打電話給一個最好不會出賣你的人

向他吐槽一番

就會冇事了

這些說話我都曾經這樣幫自己洗腦

但說實話，一個鐘頭正能量效力過去

又會繼續回到受不了的地步

 

倘若你回到同一樣的場景

也繼續為着同一件事情生氣

就代表其實你根本沒有整理過你所生氣的事情

事情當然會繼續一樣的發生

壞情緒依然繼續會一如以往纏住你

 

放下手機

學習跟自己對話一下

慢慢了解自己的情緒

 

談一下

令你生氣的原因

令你憂傷的事情

令你緊張的故事

令你想揍的老闆

 

朋友們

花點時間

給你的情緒吧

 

#愛自己