【工作體驗】參考書Freelance編輯

讀左十幾年書，相信大家都都用過唔少參考書，大家有無想過參考書到底是怎樣編寫？坊間每科都有十幾本練習和參考書，到底由誰來編寫？筆者做過正職和freelance參考書編輯，希望可以解答到你的問題啦。

入行要求

其實呢一行流失率都高，所以不時都可以在各大招聘網或者出版社官網見到招聘。出版社多會招聘公開試成積優異（起碼你應徵的科目在公開試要有A/5**）最好大學都是主修該科，中英流暢的Freelancer做編輯，再聘請老師提供稿件，再由編輯加以修改，排版，製作成書。

在面試之前，通常都會有筆試，考驗你相關科目的知識，甚至校對，因為編輯是一份好需要好細心的工作，絕對不能粗心大意。

工作內容

編輯即係大打雜，所有同本書相關的事你都要處理，包括內容、排版設計、插圖、封面設計、印刷、同sales傾推廣都關你事。但如果你只係freelancer，處理好本書的內容和排版之外，都唔洗你搞。首先，一本書最重要當然係內容，我地雖然個名係編輯，唔係作者，但工作內容都等如半個作者。因為作者未必會十分清楚知道書本的賣點同特色，或者在編寫可能會忙中有錯，編輯就要負責審閱稿件，刪減枝節，同時突出本書的重點（例如在內容中highlight重點方便學生閱讀，在正文附近加入小貼士，相關的歷屆試題等），查證資料等。

有時作者會拖稿，編輯也要負責追稿，以確保書本可以趕在推廣期前印刷完成。經過作者和編輯多次細閱和討論後，終於確保內容準確，即可交由製作部排版設計，再交予編輯多次校對，確認封面設計用色等，即可以印刷出 。

得著

一本參考書的製作最快都要三年至半年，當中編輯需要處理很大量的工作，當中可以學到時間管理和一心多用的技巧。同時，可以訓練到寫作技巧，如何將內容重點簡明表達，日後在各行各業都會用得著。你也可以在當中學到排版技巧，對接其他寫作類freelance都十分有用。

此外，接編輯freelance工具需求不多，大部份時間在家工作即可，如果大家時間管理得宜，在等待稿件的時間，大家可以同時接其他工作。