咖啡會計論

以前做打工仔，最快樂嘅消閑時間就係三點幾大夥兒落去買杯Starbucks。我最愛點嘅就係Short Mocha Skim Milk 走Cream外賣返公司飲。我思考左好耐，其實點解我地會鍾意飲Starbucks？說實話又不覺得佢用嘅咖啡豆特別高級，為什麼我哋要比40幾蚊買一杯成本價一蚊都唔使嘅咖啡？記得那時候我還join membership，儲星星去換多一杯免費咖啡呢。而家做咗自由工作者，大部份時間喺家裏工作，漸漸沒有了去Starbucks的習慣。開始思考點解那時候我會這麼喜歡買Starbucks嘅嘢飲。

慢慢發現，以前去Starbucks嘅原因，只係因為落街行一轉可以比自己在工作中喘息一口氣。也因着大夥兒一齊，不怕被人指証自己去左吞噗之類的，因此發現買Starbucks嘅原因其實跟咖啡的質量一點關係也沒有。

現在工作自由了，不用找籍口讓自己喘一口氣。想休息，就直接休息，也不用看人面色。沒有在中環返工，下午茶也多了很多選擇，樓下的小店，手肘餅、咖啡、燒雞翼、珍珠奶茶，什麼多有，也不用40幾蚊。每天少了一杯Starbucks，一個月也可以節省至少$800呢。

剛好從馬來西亞回來，也買了不少怡保的著名白咖啡，一包也只是兩蚊雞。在家中開着音樂，放下時間嘅束縛，喝一口咖啡，比起Starbucks的40幾蚊咖啡還優雅呢。

喜歡飲咖啡嘅你，又係因為咩原因而飲咖啡呢？